लातूर(जिमाका):-महाराष्ट्र शासनाच्या पूर्वीच्या रोजगार व स्वयंरोजगार व सध्याच्या कौशल्य विकास, रोजगार व उद्योजकता विभागाच्या वतीने नोकरी इच्छुक उमेदवारांसाठी एम्प्लॉयमेंट नोंदणी कार्डसाठी http://rojger.mahaswayam.gov.in हे पोर्टल विकसित करण्यात आले आहे.
जिल्हयातील सर्व नोकरी इच्छूक उमेदवार, कौशल्य विकास प्रशिक्षण घेवू इच्छीणारे उमेदवार तसेच या वेबपोर्टलवर नोंदणी केलेले सर्व उमेदवार ज्यांनी अद्याप पर्यंत आपले आधार कार्ड एम्प्लॉयमेंट कार्डशी लिंक केलेले नाही. त्यांनी वेबसाईटवर आपला आधार क्रमांक व प्रोफाईल तात्काळ अपडेट करुन घ्यावी. संबंधित उमेदवारांनी आपला आधार क्रमांक व प्रोफाईल तात्काळ अपडेट (अद्यावत) न केल्यास आपली नोंदणी 15 ऑगस्ट 2020 नंतर रद्द होईल. असे अवाहन प्र. सहायक आयुक्त, जिल्हा कौशल्य विकास ,रोजगार व उद्योजकता मार्गदर्शन केंद्र, शासकीय तंत्र प्रशाला केंद्र, क्रिडा संकूल समोर, औसा रोड, लातूर यांनी एका प्रसिध्दी पत्रकाव्दारे कळविले आहे.
